Алматыда үш әйелі бар екенін жарияға жар салып жүрген ер адам жауапқа тартылды

Алматыда әлеуметтік желіде үш әйелімен бірге түскен суреттерін жариялап, көпәйелділікті насихаттаған ер адам әкімшілік жауапкершілікке тартылды. Полиция оның заңға қайшы контент жариялағанын мәлімдеді, деп хабарлайды Orda.kz.

Алматы полициясы әлеуметтік желіде Қазақстан заңнамасына қайшы өмір салтын жария түрде насихаттаған ер адамды анықтады. Полиция мәліметінше, Бауыржан Бақытжанұлы өзінің парақшасында үш әйелімен бірге түскен суреттерін жариялап, оларды «өмірімнің сәні ғана емес, тыныштығым» деп сипаттаған.

«Олардың әрқайсысы – ерекше. Өз мінезі, өз арманы, өз уайымы бар. Мен мінсіз күйеу емеспін. Бірақ күн сайын олар өзін қорғалған әрі сүйікті сезінуі үшін барымды саламын», – деп жазған ол.

Аталған жарияланымнан кейін полиция ер адамға қатысты құқыққа қайшы контент таратқаны үшін әкімшілік хаттама толтырды. Құқық қорғау органдарының мәліметінше, профилактикалық әңгімеден кейін ол әлеуметтік желідегі жарияланымдарын өз еркімен өшірген.

Оқи отырыңыз:

Ұмыт болған дәстүр қайта жаңғырды ма? Күйеу баланың үш рет тәжім етуі

Қазақстан байланыссыз қалуы мүмкін: Үкімет жаңа спутникке он млрд бөлді