Аида Балаева қайтыс болғаннан кейін донор болуға келісім беретінін мәлімдеді
Фото: Көрнекілік үшін
Қазақстан премьер-министрінің орынбасары Аида Балаева қайтыс болғаннан кейін донор болуға келісетінін мәлімдеді. Бұл туралы ол донорлық тақырыбына арналған деректі фильмді көргеннен кейін Facebook парақшасында жазды, деп хабарлайды Orda.kz.
Балаеваның айтуынша, қазіргі таңда Қазақстанда 4 739 адам трансплантация күтіп отыр, олардың ішінде 125 бала бар. Сонымен қатар операциялардың шамамен 90%-ы тірі туыстық донорлар есебінен жасалса, ал қайтыс болғаннан кейінгі донорлық үлесі 10%-дан да аз.
«Егер бір күні жақындарымның алдында осындай таңдау тұрса, олардың өмір сүруге үміті үзілмеген жандарға мүмкіндік берудің қаншалықты маңызды екенін түсінгенін қалар едім. Жауапкершілікпен мәлімдеймін, мен қайтыс болғаннан кейін донор болуға келісімімді беремін» деп жазды Балаева.
Вице-премьер донор болу туралы шешім әр адамның және оның отбасының жеке таңдауы болып қалуы тиіс екенін атап өтті. Оның сөзінше, бұл мәселеде қысым көрсетуге немесе айыптауға жол берілмеуі керек.
Сондай-ақ ол бір адамның шешімі екінші біреуге өмірін жалғастыруға мүмкіндік бере алатынын айтты. Сонымен қатар, оның пікірінше, қайтыс болғаннан кейін донорлық мәселесін талқылағанда, бір жағынан трансплантация күтіп отырған адамдарға, екінші жағынан жақынынан айырылған отбасыларға бірдей құрметпен қарау қажет.
«Менің ойымша, бұл тақырыпта ең маңыздысы – екі тарапты да түсіну. Бір жағында – донорлық ағзаны күтіп, өмірге үміт артып отырған адамдар бар. Екінші жағында – ең жақын адамынан айырылып, орны толмас қайғыны бастан өткеріп жатқан отбасылар бар. Сондықтан осы нәзік тепе-теңдік әрдайым сақталуы тиіс. Мұнда қысым да, айыптау да болмауы керек. Тек әр адамның таңдауы мен әр отбасының шешіміне деген құрмет болуы тиіс», – деп қосты ол.
Бұған дейін Қазақстанда тұрақты қан донорларының саны азайып келе жатқаны айтылған болатын. Соның салдарынан қолданыстағы донорларға түсетін жүктеме артып, ауруханаларды қан компоненттерімен қамтамасыз етуде іркілістер туындау қаупі күшейіп отыр.
Сенатор Әлішер Сатыбалдиевтің мәліметінше, елдегі донорлық деңгейі 1000 адамға шаққанда 12 донация. Бұл көрсеткіш Дүниежүзілік денсаулық сақтау ұйымы ұсынған деңгейден айтарлықтай төмен.
Премьер-министр Олжас Бектенов Қазақстанда қан қызметі жүйесі қалыптасқанын мәлімдеді. Оның айтуынша, қазіргі таңда республикадан бастап қалалық деңгейге дейін 19 ұйым жұмыс істейді және бұл жүйе қауіпсіздік пен сапаның заманауи талаптарына толық сәйкес келеді.
Оқи отырыңыз:
Жаңалықтар
- Аида Балаева қайтыс болғаннан кейін донор болуға келісім беретінін мәлімдеді
- Бишімбаев ісі: Бақытжан Байжанов мерзімінен бұрын бостандыққа шығады
- Болат Назарбаевтың мұрагерлеріне қойылған талап сотта қайта қаралады
- Алматыда 28 отбасы баспанасыз қалды: Тұрғындар әділдік талап етеді
- «Жүрегі төрт рет тоқтады, құжатқа бір рет деп жазды»: Ақтаудағы баланың өліміне қатысты жаңа мәлімдеме
- Басын кесіп, мұздатқышқа жасырған: Хромтаудағы жантүршігерлік кісі өлтіру ісіне нүкте қойылды
- Құсбегіден қызыл кітапқа енген 35 жыртқыш құс тәркіленді
- Алматыда тұрғынның смартфоны ұйықтап жатқанда жарылған
- WBO Жәнібек Әлімханұлының титулдан бас тартуын қабыл алды
- 32 ауыр жүк көлігі жолда қалды: Артық жүк артқан тасымалдаушылар жазаланды
- Мемлекет басшысы бірқатар елшіні тағайындады
- «ҚазТАГ» және Freedom Finance ісі бойынша сот тергеуі аяқталды
- Трамп хуситтердің Сауд Арабиясында теңіз блокадасын бастау туралы мәлімдемесіне жауап берді
- Министр: Тұрғын үй бағасының зейнетақы жинағына қатысы жоқ
- Әскерде зорландым деп ақша жинаған адам сотталды
- Енді темекі шегетіндер өкпе обырына тегін тексеріле алады
- Тамыздан бастап Қазақстанда не өзгереді: Жүргізуші куәлігі, жаңа сайлау
- Махамбет Өтемісов атындағы университеттің ректоры ұсталды деген ақпарат тарады
- Дастан Сәтпаев «Челси» сапында дебют жасады
- 31 жастағы ер адам 74 жастағы әйелді пышақтап өлтірді
