Ақтөбеде жүргізушіге ескерту жасаған ер адамды ұрлап кеткен

Ақтөбеде жаяу жүргінші өткелінде жүргізушіге ескерту жасаған ер адамды күдіктілер оны үйінің маңында аңдып, таксиден күштеп шығарып, Lexus көлігінің жүксалғышына салып әкеткен, деп хабарлайды Orda.kz.

Ақтөбеде жолдағы жанжал адам ұрлаумен аяқталды. Полиция департаментінің мәліметінше, оқиға жаяу жүргінші өткелінен өтіп бара жатқан ер адамның жүргізушіге ескерту жасағанынан басталған.

Арада біраз уақыт өткен соң күдіктілер ер адамды үйінің маңында күтіп тұрған. Олар жәбірленуші отырған таксидің жолын бөгеп, оны күштеп көліктен шығарып, Lexus автокөлігінің жүксалғышына салып әкеткен.

Адамды күштеп алып кеткен сәт жол бойымен өтіп бара жатқан көліктің бейнетіркеуішіне түсіп қалған. Жедел-іздестіру іс-шаралары барысында арнайы жасақтың қолдауымен күдіктілер ұсталды.Қазіргі уақытта, адам ұрлау фактісі бойынша сотқа дейінгі тергеу басталды, күдіктілер уақытша ұстау изоляторына қамалды.

Оқи отырыңыз:

Балаева «Ахуал сегодня» YouTube-арнасы журналисінің ұсталуына қатысты пікір білдірді

Алматыда үш әйелі бар екенін жарияға жар салып жүрген ер адам жауапқа тартылды