Песков дәнді-дақыл келісімі тоқтатылғанын хабарлады

Ресей президенті Владимир Путиннің баспасөз хатшысы Дмитрий Песков дәнді-дақыл келісімі тоқтатылғанын хабарлады.

«Шын мәнінде, Қара теңіз келісімі бүгін, 17 шілдеде күшін жойды. Өкінішке қарай, Ресейге қатысты осы Қара теңіз келісімдерінің бір бөлігі осы уақытқа дейін орындалған жоқ. Сондықтан оның күші жойылды», - деді ол.

Сондай-ақ Дмитрий Песков егер келісімдер орындалса, Ресей келісімді жүзеге асыруға қайта оралатынын айтты.

«Дәнді-дақыл келісімі» - Украинаның Қара теңіз порттарын бұғаттаудан шығару және олардан украиндық ауыл шаруашылығы өнімдерін экспорттау туралы келісім. Бұл құжатқа 2022 жылы 22 шілдеде Ыстамбұлда Ресей, Түркия, Украина және БҰҰ өкілдері қол қойды.

29 қазанда Ресей Украина астығын экспорттау жөніндегі келісімге қатысуды тоқтататынын хабарлады. Ресей билігінің мәліметінше, Қара теңіз флоты кемелері Севастополь шығанағы суларында әуе және жер үсті ұшқышсыз ұшақтардың шабуылына тойтарыс берген. Шабуыл бірнеше сағатқа созылды. Қорғаныс министрлігі мұны теракт деп атап, шабуылды Украинаның 73-ші теңіз операциялары арнайы орталығының әскерилері жасағанын мәлімдеді. Ресей әскери департаментінің мәліметінше, оларды Николаев облысының Очаков қаласында орналасқан британдық мамандар басқарған.

Қараша айында Ресей тарапы БҰҰ мен Түркияның қатысуы арқасында Украинадан қажетті жазбаша кепілдіктер алды. Украина билігі гуманитарлық дәліз бен порттарды ұрыс қимылдары мен ауыл шаруашылығы өнімдерін экспорттауға пайдаланбауға уәде берді.