Назарбаев кітапханасын мемлекеттен қаржыландыруды қысқарту мәселесі қаралады

Экс-президент Нұрсұлтан Назарбаевтың кітапханасына мемлекет тарапынан бөлінетін қаржыны қысқарту мәселесі наурыз айында қаралады деп уәде етілген.

«Біз барлық шығындарды жылдан жылға оңтайландырамыз. Соның ішінде кітапхананың мазмұны. (…) Біз бұны жақын арада - наурыз айында қарастырамыз» деді үкімет отырысында Премьер-Министрдің орынбасары – Қаржы министрі Ерұлан Жамаубаев.

Еске салсақ, Назарбаев кеңсесін («кітапхананы») ұстауға үш жыл ішінде 5,6 млрд бөлінген. 26 қаңтарда хабарланғандай, Назарбаев кеңсесі көлік қызметіне 65 млн мемлекет қаражатын жұмсамақшы.