Мұхтар Жәкішев Кәрім Мәсімов жайлы мәлімдеме жасады

Қазақстандық кәсіпкер Мұхтар Жәкішев ҰҚК экс-төрағасы Кәрім Мәсімовке тиесілі зәулім үйді аукционға дейін сатып алды деген ақпарат тарады. Мұхтар Жәкішевтің өзі оны жоққа шығарды, деп хабарлайды Orda.kz. 

Ол әлеуметтік желісінде бұл ақпараттың жалған екенін айтып, оған сенбеуге шақырды.

Сіздерге тағы да жалған ақпарат жайлы хабарламақпын. Бүгін менің Кәрім Мәсімовтің үйін сатып алуды жоспарламақ болғаным жайлы ақпарат тарады. Араб әмірліктерінен қызыма үй алды деген ақпарат та бар. Мұның бәрі жалған, далбаса. Өзім Алматыда тұратын болсам, маған Астанадағы Кәрім Мәсімовтің үйінің не қажеті бар? Астанаға көшетін ойым жоқ. Екінші, 6 қызымның қайсысына үй алыппын? Неге әр қызыма 6 үйден алып бермеді екенмін? Біріншіден бұған менде ақша жоқ. Екіншіден менде ондай ой болған да жоқ. Сондықтан барлық тыңдармандарыма болашақта менің атымнан, болмаса жасанды зердемен жасалған мен жайлы сіздің ойыңызға сыймайтын дүниелер шықса, мұның бәрінің жалған ақпарат екенін ұғарсыз. Мен өзгермедім. Сол баяғыдаймын. Логикаға сыймайтын, ақымақ әрекеттер жасамаймын», – деді Мұхтар Жәкішев. 

Еске сала кетсек, Мұхтар Жәкішев ҰҚК экс-төрағасы Кәрім Мәсімовке тиесілі зәулім үйді аукционға дейін сатып алды деген ақпарат тараған болатын.