Мәжіліс депутаты Ресей соғысын қолдайтынын айтты

Ақ жол партиясы фракциясының Мәжіліс депутаты Азамат Әбілдаев Ресейдің Украинаға қарсы соғысын қолдайтынын айтты.

Бұл туралы Азаттық хабарлайды.

– Мен Ресей президентін қолдаймын. Осы арнайы операцияны қолдаймын. Осы жазға дейін Зеленскийді өз халқы ұстап, сотқа береді. Соғыстан кете алмайсың. Мен Украинадағы спецоперацияны қолдаймын. Нацистер отыр.

Орыс жақтан соғысып жатқандарды жақсы танимын. Украина жақтан соғысып жүрген балаларды танимын. Украина, ар жағында Ресей 600 шақырым. Ракетамен Мәскеуге барады. Ол олардың қауіпсіздігі, – деді депутат.

Сонымен қатар, соғысты қолдайтын тағы 2-3 депутат бар екенін айтты.