Мәжіліс депутаты әкімдерді 5 жылдық бір мерзімге сайлауды ұсынды

Мәжіліс депутаты Ерлік Өмірғали облыс және қала әкімдерін 5 жылдық мерзімге бір рет қана сайлауды ұсынды.

Бұл туралы депутат Мәжіліс отырысы кезінде айтты.

Премьер-министрдің атына жолдаған депутаттық сауалды жеткізген Ерлік Өмірғали «Жергілікті мемлекеттік басқару және өзін-өзі басқару туралы» заңға сәйкес әкімдер президенттің саладағы өкілі екенін атап өтті.

Оның айтуынша, осыған байланысты құқықтық қайшылық туындайды.

– Өзіне партияға мүше болуға тыйым салған адамның өкілдері қалай партия мүшесі болады? Олардың мәртебесі президенттен жоғары ма?, – деді депутат.

Ол облыс және қала әкімдеріне қызмет ету мерзімінде саяси партияларға мүше болуға тыйым салуды және облыс және республикалық маңызы бар қала әкімінің өкілеттігін бір реттік 5 жыл мерзіммен шектеуді ұсынды.

Одан бөлек, депутат әкімдер ешбір партияға мүше болмауы тиіс дейді.