Қорғаныс министрлігі әскерге күштеп әкету жайын түсіндірді

Қорғаныс министрлігі әскер жасындағы азаматтарға қатысты рейдтер туралы түсініктеме берді, деп хабарлайды Orda.kz.       

Бұған дейін БАҚ пен әлеуметтік желілерде жастардың ұсталып, жергілікті әскери билік органдарына күштеп жеткізілуі туралы бейнематериалдар тараған болатын.

«Қорғаныс министрлігіне жылына екі рет (көктемгі және күзгі мерзімді әскери қызметке шақыру) өткізілетін мерзімді әскери қызметке шақырудың қолданыстағы тәртібін түсіндіруге уәкілеттік берілген жергілікті әскери басқару органдары тиісті түрде хабарлаған азаматтар болды. Сонымен қатар, әскер жасындағы азаматтарды есепке алу олардың көпшілігінің тіркелген жерінде тұрмауы, көшкен кезде жаңа тұрғылықты мекенжайы бойынша тіркелмейтіндігі қиындық тудырды. Қолданыстағы заңнамаға сәйкес, шақыру қағазын жеке өзіне тапсыру мүмкін болмаса, оның келуін қамтамасыз ету ішкі істер органдарына жүктеледі» дейді Қорғаныс министрлігі. 

Ведомство кейде рейдтік іс-шаралар кезінде азаматтардың ішкі істер қызметкерлерінің заңды талаптарына бағынбай, қарсылық көрсететінін баса айтты.

«Мұндай жағдайларда оларды мәжбүрлеп ұстау және жеткізуді жүзеге асыру полиция қызметкерлеріне берілген. Әскерге шақыру комиссиясы әкелінген адамның мәртебесін анықтайды. Әскери қызметке шақыруға негіз болмаса,  үйіне қайтарылады.  Ал егер негіз болса медициналық тексеруден өтуге және мерзімді әскери қызметке шақыру шеңберінде басқа да іс-шараларды жүзеге асыруға жіберіледі» деп толықтырды ведомство.

Қорғаныс министрлігі заңнамада міндетті әскери қызметке шақырудан жалтарғаны үшін әкімшілік және қылмыстық жауапкершілік қарастырылғанын еске салды.

«Осыған орай, біз азаматтарды қолданыстағы заңнама талаптарын сақтауды және жалған ақпарат таратудан аулақ болуды сұраймыз» деп қорытындылады Қорғаныс министрлігі.