Якутияда қарттарды бопсалап ақша алып жүрген Қазақстан азаматы ұсталды

Қылмыстық схемада Қазақстан азаматы курьердің рөлін атқарған, деп хабарлайды Orda.kz ресейліа БАҚ-тарға сілтеме жасап.

34 жастағы Қазақстан азаматы телефон арқылы алаяқтық жасағандарға көмектесті деген күдікке ілінді. Саха Республикасы Ішкі істер министрлігінің мәліметінше, алаяқтардың құрбаны Алдан қаласының 57 жастағы тұрғыны болған.

Алаяқтар өздерін Ресей Федералдық қауіпсіздік қызметінің қызметкерлері ретінде танысып, оның банк шотында күдікті операциялар анықталғанын айтқан. Олар жәбірленушіні оның шотына ірі көлемде ақша түсіп, кейін бұл қаражаттың Украинаға аударылғанына сендірген.

Қаскөйлер зейнеткерге терроризмді қаржыландырды деген айыппен қылмыстық іс қозғалуы мүмкін екенін айтып қорқытқан. Содан кейін «мәселені реттеуге» көмектесуді ұсынған.

Алаяқтар оның үйінде қолма-қол ақша сақталғанын біліп, қаражатты банкке декларациялау үшін арнайы келген курьерге беруді талап еткен.

«Психологиялық қысымға түскен зейнеткер өз үйінде 2 миллион 260 мың рубль салынған пакетті бейтаныс ер адамға берген»,  деп хабарлады Ішкі істер министрлігі. 

Курьер Якутскідегі Даркылах паром өткелінде ұсталды. Ол таксиде отырған және республика аумағынан шығып кетуге дайын болған.

Одан жәбірленушіден алған ақшаның басым бөлігі, сондай-ақ бірнеше ұялы телефон тәркіленді.

«Қажетті тергеу әрекеттері жүргізілгеннен кейін ақша заңды иесіне қайтарылады», деп нақтылады ведомство. 

Алаяқтық фактісі бойынша қылмыстық іс қозғалды. Тергеу аяқталғанға дейін Қазақстан азаматы қамауға алынды.

Оқи отырыңыз:

• «13 млн теңге несие ал!» Алаяқтардың айтқанын орындап, полицияға да, ұлына да сенбеген 
• Байзақ ауданында полиция басшысының экс-орынбасары пара алған