Талғарда ер адам жеті жасар қызды бұтаның арасына қарай сүйреді деген күдікке ілінді

Талғар қаласының тұрғыны үйіне қайтып келе жатқан қызына бейтаныс ер адам тиісіп,  бұтаның арасына сүйреп апарғанын мәлімдеді, деп хабарлайды Orda.kz КТК арнасына сілтеме жасап.

Оқиға Талғардың жеке тұрғын үйлер орналасқан бөлігінде болған. Қыз велосипедпен үйіне келе жатқан кезде жолда кетіп бара жатқан ер адам оған дөңгелегінің желі шығып кеткенін айтқан. Бала оның сөзіне сеніп, тоқтаған.

Осыдан кейін бейтаныс адам баланың аяғын сипалап, аяқ киімін шешкен. Кейін қызды көтеріп алып, бұталы жерге сүйреп апарған.

«Бір кезде ол баланы бөксесінен ұстап, күшпен бұталардың арасына алып барып, тізесіне отырғызған. Содан кейін: «Шалбарыңды шеш. Сені қарап, ол жеріңді ұстап көруім керек» деген», – деп мәлімдеді қыздың анасы. 

Бала оның басқа нәрсеге алаңдаған сәтін пайдаланып, қашып кеткен. Анасының айтуынша, күдікті мас болған.

Оқиғадан кейін әйел полицияға жүгінген. Құқық қорғау органдары күдікті ер адамды ұстады. Қазір жеті жасар қыз болған жағдайдан кейін көшеге шығуға қорқып жүр екен.

Бұған дейін Алматы облысы Қарасай ауданының Іргелі ауылында полиция тоғыз жасар қызға қатысты болуы мүмкін  жыныстық сипаттағы тиісу дерегі бойынша тергеу бастады.

Жергілікті тұрғындардың айтуынша, ер адам қызды дүкенге апарып, оған тәтті сатып алған. Кейін балаға тиісуге әрекет жасаған.

Аталған жағдай бойынша да полиция тергеу жұмыстарын жүргізіп жатыр.

Оқи отырыңыз:

• Алматыда ер адам 9 жастағы қызға жыныстық сипаттағы әрекет жасады деген күдікке ілікті
• Өмір бойына бас бостандығынан айырылған Аймахан Шерханның адвокаттары апелляциялық шағым түсірді