Киев маңында тікұшақ құлап, Украина Ішкі істер министрі қаза тапты

Бүгін Киев маңында тікұшақ апатқа ұшырады. Апат салдарынан 18 адам қаза тауып, 29 адам зардап шеккен.

Қаза тапқандардың қатарында Украина Ішкі істер министрі Денис Монастырский мен оның бірінші орынбасары Евгений Енин және мемлекеттік хатшы Юрий Лубкович бар.

Тікұшақ балабақша мен тұрғын үйдің жанында құлаған. Барлық тұрғындар мен балалар эвакуацияланды. Апатқа не себеп болғаны әлі белгісіз.

Денис Монастырский 2021 жылдың шілде айының ортасынан бастап Украина ІІМ басшысы қызметін атқарды. Евгений Енин тамыз айының соңында ІІМ орынбасары болып тағайындалды.