Эквадорда сайлау қарсаңында тағы бір саясаткерді өлтірді

Эквадорда Эсмеральдас провинциясындағы «Азаматтық революция» саяси қозғалысының жетекшісі Педро Брионес өз үйінің жанында өлтірілді, деп хабарлады партия мүшелері.

Бұл туралы News.ru хабарлайды.

Қастандық елдегі президенттік бәсекенің басталуына бір апта қалғанда болған. Кісі өлтірудің мән-жайы айтылмайды.

Эквадорда сайлау 20 тамызға белгіленген. Президенттік пен вице-президенттікке сегіз жұп үміткер таласады.

10 тамызда Эквадор президенттігіне үміткер Фернандо Вильявисенсио сайлауалды митингі кезінде өлтірілді. Оқиға Кито қаласында өтті. Саясаткер басына үш рет оқ тиіп,  сол жерде көз жұмды. Тағы сегіз адам жарақат алды. Олардың жетеуі ауруханаға жатқызылды.

Осыдан кейін Эквадордың қазіргі президенті Гильермо Лассо 60 күнге төтенше жағдай енгізу туралы жарлыққа қол қойды. Ол бүкіл ел бойынша қарулы күштерді жұмылдыруды қарастырады.