Динара Сәтжан сүйіскен екі ер адам туралы айтты

Журналист әрі тележүргізуші Динара Сәтжан Астанадағы жеделсатылардың бірінде сүйіскен екі ер адамның видеосына байланысты өз ойын айтып берді.

Бұл туралы ол Instagram парақшасында жазды.

«Егер адам өз ісінің маманы болса, кімнің кіммен жатқаны бәрібір емес пе? Жеделсатыда сүйісе ме, көшеде сүйісе ме, бәрібір емес пе? Жеке өмір құпиясын бұзғаны үшін бізде қылмыстық жауапкершілік бар. 147 ҚР ҚК қол сұғылмаушылықты бұзу. Видеоға түсіріп, желіге салып жіберген адамның өзін көргім келеді. Ол соншалықты мінсіз беделге ие ме екен?! Мен жігіттердің орнында болсам видеоға түсірген оңбағанды сотқа берер едім. Бұл нашар әрекет» деп жазды Динара Сәтжан.

Еске салсақ, әлеуметтік желілерде Астанадағы жеделсатыда сүйісіп тұрған екі ер адам видеоға түсіп қалды. Кейбір telegram-арналар видео кейіпкерлерін Энергетика министрлігінің қызметкерлері деп атады. Бірақ министрлік бұл ақпаратты жоққа шығарды.

«Таратылған видеодағы адамдар Энергетика министрлігінің қызметкерлері емес. Ақпарат шындыққа сәйкес келмейді. Мән-жайды анықтау үшін департамент тиісті органдарға хабарласады» деп мәлімдеді ведомство.