Димаш Құдайберген Қазақстан халқына үндеу жасады

Танымал қазақстандық әнші Димаш Құдайберген жанкүйерлеріне ескерту жасады.

- Осы күнге дейін әр түрлі әлеуметтік желілерде аты-жөнім жазылған аккаунттардың ашылуына қалыпты көзқараспен қарайтынмын. Бірақ байқағаныңыздай, ақша бопсалаумен айналысатын алаяқтар пайда болды. Менің білуімше, ол жерде ойын, лотерея өткізеді, - дейді Құдайберген.

Әнші алаяқтар оның Instagram желісі арқылы жанкүйерлерімен сөйлескен суреттерін қолданатынын атап өтті.

- Адамдар, менің ешқашан бұлай істемегенімді білесіздер. Кейбіреулердің бұл әрекетке алданып жатқаны ұят. Сіздерге ескерткім келеді. Ешқашан интернет арқылы ақша жібермеңіздер, - деді Димаш Құдайберген.

Сөз соңында Димаш баршаны өзіне, жақындарына қамқорлық жасап, абай болуға шақырды.