Бюджет қаражатын сайлауалды үгітке мақсатсыз пайдаланғандар бес есе артық қайтарады

Қазақстанда депутаттыққа және басқа да сайланбалы лауазымдарға кандидаттарға бөлінген бюджет қаражатын мақсатсыз пайдаланғаны үшін айыппұлды ұлғайту жоспарланып отыр. Жаңа норма бүгін Мәжіліс депутаттарының талқылауына ұсынылды, деп хабарлайды Orda.kz.       

Бүгін Парламент Әкімшілік құқықбұзушылық туралы кодекске енгізілетін түзетулерді бірінші оқылымда қабылдады. Жобаға сәйкес, сайлауалды үгітке республикалық бюджеттен бөлінген қаражатты мақсатсыз пайдаланғаны үшін айыппұлды 5 АЕК-тен 25 АЕК-ке дейін, яғни бес есе арттыру ұсынылып отыр.

Талқылау барысында депутаттар заң жобасында құқықбұзушы тек айыппұл төлеп қана қоймай, мақсатсыз жұмсалған қаражатты толық көлемде бюджетке қайтаруға міндеттелуі тиіс деген норманың неге қарастырылмағанын сұрады.

Сондай-ақ ол қаражат мақсатты түрде жұмсалғанымен, рәсімдеу талаптары бұзылған жағдайда, мысалы, құжаттар дұрыс толтырылмаса, төлем мерзімі бұзылса немесе тапсырыс туралы толық ақпарат болмаса қандай жауапкершілік қарастырылатынын нақтылады.

Бұдан бөлек, бұл жауапкершілік тек жеке тұлға-кандидаттарға ғана қатысты ма, әлде саяси партияларға да тарай ма деген сұрақ қойылды.

Құжаттарды рәсімдеу кезіндегі бұзушылықтарға қатысты қаражат тексерістен кейін ғана бөлінетінін, сондықтан мұндай жағдай «көбіне гипотетикалық» екенін атап өтті. Егер ондай жағдай бола қалса, жауапкершілік құжаттарды тексерген тұлғаларға жүктелуі тиіс.

Әділет министрінің орынбасары Лаура Мерсалимова бюджет қаражатын қайтару әкімшілік жаза болып саналмайтынын, сондықтан оны Әкімшілік құқықбұзушылық туралы кодексте көрсету мүмкін емесін түсіндірді. Оның айтуынша, бұл мәселе Бюджет кодексі мен мемлекеттік аудит туралы заңмен реттеледі.

Бұған дейін Орталық сайлау комиссиясы 2025 жылы Қазақстанда 1028 сайлау өткен. Оның ішінде 914-і — аудандық маңызы бар қалалар, ауылдар, кенттер мен ауылдық округтер әкімдерінің сайлауы, 8-і — аудан әкімдері мен облыстық маңызы бар қала әкімдерінің сайлауы, сондай-ақ 106-сы — мәслихат депутаттарының сайлауы.

Сондай-ақ бұған дейін Мәжілісте аудан деңгейіндегі әкімдерді сайлау тетігін қайта қарау мәселесі көтерілген болатын.

Депутаттар мұндай әкімдерді тікелей сайлауды уақытша тоқтатып, оларды мәслихат арқылы сайлау немесе тағайындау моделіне қайта оралуды ұсынған болатын.

Оқи отырыңыз:

• Қазақстанда сайлауға келмегені үшін жауапкершілік енгізіле ме?
• Парламент сайлауы референдумнан да қымбатқа түсуі мүмкін
• Елімізде әкімдерді сайлау ережелері өзгереді