«Қазмырыш» зауытындағы жарылыстан зардап шеккен адам ауруханада қайтыс болды

Жарылыс кезінде зардап шеккен 1980 жылы туған ер адам алған ауыр жарақаты салдарынан өткен түнде ауруханада көз жұмды. Бұл туралы компания өкілдері мәлімдеді, деп хабарлайды Orda.kz.

Әңгіме 1980 жылы туған Фарафонов есімді науқас туралы болып отыр. Ол денесінің 90 пайызы күйіп, ауыр термиялық күйік алған. 8 мамырда дәрігерлер оның есін білетінін айтқан еді.

«Оқиға орнында салдарын жою жұмыстары және мемлекеттік органдармен бірлескен тергеу жалғасып жатыр. Өскемен металлургиялық кешені мырыш және қорғасын зауыттарында өндірістік қуаттарды уақытша төмендетіп жұмыс істеп жатыр»,  деп хабарлады компания.

Еске салсақ, электролиз цехының балқыту бөлімінде болған жарылыс салдарынан екі жұмысшы қаза тауып, тағы бес адам медициналық көмекке жүгінген. Кейін Ішкі істер министрлігі төтенше жағдайдың негізгі нұсқаларын атаған болатын.

Қаза тапқандардың бірі – Ержан Камалиев, оны 7 мамыр күні жерледі. Оның артында үш баласы қалды. Екінші марқұм – екі қыздың әкесі Олжас Рамазанов. «Қазмырыш» ЖШС қаза болғандардың отбасыларына жан-жақты көмек көрсететінін мәлімдеді.

Оқи отырыңыз:

• «Қазмырыш» зауытындағы жарылыс: Тексеріс сараптамасы қандай?
• Өскемендегі «Қазмырыш» кәсіпорнында жарылыс: Премьер-министр тапсырма берді
• Бас прокуратура экологиялық жағдайға байланысты «Қазмырыш» кешенін тексеруге рұқсат берді