Тұрақты тұруға көшіп келгендер арасында Қытай көш бастап тұр

2026 жылдың бірінші тоқсанында Қытайдың 1 260 азаматы Қазақстанға тұрақты тұруға көшіп келген. Бұл көрсеткіш өткен жылдың осы кезеңімен салыстырғанда шамамен үш есеге өскен, деп хабарлайды  Orda.kz Бірінші кредиттік бюро сарапшыларына сілтеме жасап.

Биылғы бірінші тоқсан қорытындысы бойынша Қытайдан келген иммигранттардың мұндай жоғары деңгейі соңғы тоғыз жылда алғаш рет байқалып отыр. Сонымен қатар әр жылдардың алғашқы тоқсанындағы иммиграция динамикасы айтарлықтай құбылып отырған.

Күрт өсім жиі төмендеумен алмасып отырған. Мысалы, 2024 жылы қаңтар-наурыз аралығында Қытайдан келгендер саны шамамен сегіз есеге өсіп, 98 адамнан 750 адамға жеткен.

Қазіргі таңда Қытайдан Қазақстанға тұрақты тұруға көшіп келгендер саны бойынша үшінші орында тұр. Екінші орынды Ресей сақтап қалды — ол жақтан 1 265 адам келген, бұл өткен жылмен салыстырғанда 29%-ға көп. Екі ел арасындағы айырмашылық небәрі бес адам, бұл көші-қон статистикасы үшін сирек жағдай.

Иммигранттар саны бойынша бірінші орынды Өзбекстан сақтап қалды. Ол елден Қазақстанға 2 275 адам қоныс аударған, алайда бұл көрсеткіш өткен жылмен салыстырғанда 13%-ға төмендеген.

«Қытайдан Қазақстанға көшіп келушілердің басым бөлігі — этникалық қазақтар, олардың үлесі 99,5% болды. Көбінесе олар қоныстану үшін Астана, Алматы қалаларын, сондай-ақ Жетісу және Алматы облыстарын таңдайды», — деп атап өтті сарапшылар. 

Сондай-ақ, статистикада Қазақстанға тұрақты тұру үшін келген шетел азаматтары мен азаматтығы жоқ тұлғалар қамтылғаны нақтыланды.

Бұған дейін Қазақстанда еңбек көші-қонын реттеу тәсілін өзгерту жоспарланып отырғаны хабарланған еді.

Оқи отырыңыз:

• Алматы қаласында 60 адам тіркелген екі пәтер анықталды
• Аида Балаева: Көші-қон саясаты түбегейлі өзгереді
• Көші-қон заңнамасын бұзған 27 шетелдік елден шығарылды