Бас прокуратура Челахтан алынған жауап туралы айтты

ҚР Бас прокуратурасы Владислав Челахтың ісін қайта қарау туралы арызын әлі де қарап жатыр. Одан жауап алынған жоқ.

Бұл туралы Мәжіліс отырысында ҚР Бас прокурорының орынбасары Әсет Шындалиев мәлім етті.

- Челахқа қатысты шағым қаралуда. Нәтижелері бойынша біз оған жауап береміз. Жауап алу болған жоқ, - деді Шындалиев.

Бұл ретте Челахтың анасы ұлын Бас прокуратура қызметкерлері жауапқа алғанын бұған дейін хабарлаған болатын.

Оның айтуынша, соңғы 10 жыл ішінде Владислав «болған оқиға және шындық туралы бір ауыз сөз айтпаған, бірақ қазір ол ашық айтуға дайын». Сондай-ақ ана мен баласының әңгімесі екі-үш минутпен шектелген.

Еске салайық, 2012 жылдың мамыр айында Алматы облысындағы «Арқанкерген» заставасында 14 шекарашы мен бір жергілікті аңшының өлі денесі табылған болатын. Бірнеше күннен кейін қанды қырғынды мойындаған соңғы, 15-ші «Арқанкерген» шекарашысы Владислав Челах анықталды. Тергеу мәліметінше, Челах алдымен әріптестерін атып, кейін казарманы өртеп жіберген.

2022 жылдың 20 желтоқсанында Челахтың «Арқанкергенде» 15 адамның өліміне қатысты жағдайды түсіндіруге дайын екендігі белгілі болды.

2022 жылдың 22 желтоқсанында олар істі Қазақстанның Бас прокуратурасында қарауға уәде берді.