Асхат Аймағамбетов жаңа қызметке тағайындалды

Бұрынғы Оқу-ағарту министрі Асхат Аймағамбетов М.Нәрікбаев атындағы KAZGUU Университетінде дәріс оқитын болады. Бұл туралы ЖОО-ның ресми сайты хабарлады.

– Асхат Қанатұлы біздің студенттерімізге өз тәжірибесімен бөлісіп, тұлға болып қалыптасуына үлкен септігін тигізетініне сенімдіміз, – деп жазылған хабарламада.

Айта кетейік, экс-министр түрлі ұсыныстар түскенін және жоспарлары бар екенін айтқан еді.

– Оқытушылық жұмысты қандай қызмет болса да бірге алып жүруге болады, сондықтан ағартушылық еңбегімді осылай бірге алып жүріп жалғастырамын, – деді Асхат Аймағамбетов.