«Арнатовтықтар» атты ҰҚТ: «Шерзат ісіне» ұқсас қылмысты Жоғарғы сот қарайды

Жезқазған қаласында 12 адам жабылып соққыға жыққан соң, көз жұмған Медет Исламның өліміне қатысты істі Жоғарғы сот қайта қарайтын болды, деп хабарлайды Orda.kz.

2023 жылдың 13 қыркүйегінде Жезқазған қаласының орталығында ауыр қылмыс тіркелді. 35 жастағы Медет Исламға бірнеше жерінен пышақ сұғып, шабуыл жасады. Ол оқиға орнында көз жұмды. Бұл қанды оқиғаға қалада белгілі «Арнатовтықтар» атты ұйымдасқан қылмыстық топтың 12 мүшесі қатысқаны айтылды. Бір жылға созылған тергеуден кейін, 2024 жылдың қазан айында сот алдына тек 5 адам ғана жеткізілді.

Алайда, үкім нәтижесінде небәрі үш адам ғана жазаға тартылды. Қалған үш айыпталушы сот залынан бірден босатылып, тағы алтауы мүлде қылмыстық жауапқа тартылған жоқ.

Баспасөз конференциясынан кейін ғана іс қоғам назарына ілікті. Қоғамдық резонанстан соң іс Жоғарғы Сотқа дейін жетіп, қайта қаралатын болды.