Бірнеше күннен бері 40-тан астам шетелдік турист Қырғызстандағы таудан түсе алмай отыр, қазақстандықтар да бар

Қырғызстандағы Шатқал аңғарында Қазақстан, Қырғызстан және Ресейден келген 40-тан астам турист үшінші күн қатарынан аңғардан шыға алмай отыр. Таулы өзендердегі күшті су тасқыны көпірлерді алып кеткен, деп хабарлайды  Orda.kz 24.kg-ке сілтеме жасап.

Туристердің бірі Вильданның айтуынша, оның тобында 10 адам бар, оның ішінде үш бала да бар. Жақын маңда Бішкектен келген тағы бір топ — шамамен 30 адам тоқтаған.

«Біз мұнда үшінші күн отырмыз. Көпірлер қалпына келтірілгенше күту керектігін айтты. Бүгін жексенбі, жұмыстар жүргізілмей жатыр. Бақытымызға орай, бізде көлікт пен шатырымыз бар, қонуға жағдай жасалған. Барлығының жағдайы жақсы, дүрбелең жоқ», — деді ол. 

Туристер Қара-Токой көлі маңында, Талас облысы шекарасына жақын жерде орналасқан. Өзеннің қатты ағысына байланысты оны өз бетінше өту мүмкін емес. Құтқарушылар адамдарға азық-түлікті өзеннің арғы бетіне лақтырып жеткізуде. Жергілікті тұрғындар да көмек көрсетіп жатыр екен.

Қиын жағдайға қарамастан, туристердің барлығы өздерін жақсы сезінеді және өткелдердің қалпына келтірілуін күтіп отыр.

«Қазгидромет» болжамына сәйкес, алдағы күндері республика аумағының басым бөлігінде жауын-шашын көп болады.

Ал Алматы, Жамбыл облыстарында және Жетісу өңірінде қатты жаңбыр жауады деп болжанып отыр. Үкімет басшысы жергілікті билікке эвакуация пункттерін дайындап, көлік құралдарын әзірлеп, төтенше жағдай туындаған жағдайда әрекет ету жоспарларын жаңартуды тапсырды.

Оқи отырыңыз:

• Алматыдағы сел қаупі, елдегі жауын-шашын: Бектенов шұғыл кеңес өткізді
• Алматыда еріген қар суы сел болып ағып, көпірді жұлып, жолды шайып кетті