Австралия премьері Кайли Миноугпен «төсектес болу» туралы қалжыңдаймын деп, басы дауға қалды

Австралия премьері Энтони Альбанезе әзіл подкаст барысында айтқан даулы сөзі үшін кешірім сұрады. Бұл туралы  Orda.kz РИА Новости-ге сілтеме жасап хабарлайды.

Премьер Кайли Миноуг туралы пікірін Bush Deep атты әзіл подкастқа қатысу кезінде айтқан. Эфир барысында жүргізуші үкімет басшысына танымал ойын ұсынған. Онда қатысушы атақты адамдар арасынан «кіммен бірге болу, кімге үйлену және кіммен кездесуге бару» керектігін таңдауы тиіс еді. Ұсынылған тұлғалардың қатарында Николь Кидман мен Ронда Берчмор да болған.

Алғашында Энтони Альбанезе бұл сұрақтан жалтаруға тырысып, жақында ғана үйленгенін еске салған. Алайда жүргізушінің табандылығынан кейін ол «Әрине, Кайли» деп жауап беріп, тіпті оны «үш нұсқаның бәріне де таңдар едім» деп қосқан.

Бұл мәлімдеме қоғамда үлкен резонанс тудырды. The Guardian басылымының жазуынша, премьердің сөзі аустралиялық БАҚ-та және әлеуметтік желілерде қатты сынға ұшыраған.

Осыдан кейін премьер-министр кеңсесі ресми мәлімдеме таратып, кешірім сұрады.

«Мен бұл пікірім үшін еш ойлагбай, кешірім сұраймын» деп жазылған Энтони Альбанезе мәлімдемесінде. 

Сөйтіп, Аустралия премьері подкаст шыққаннан кейін қоғамда теріс реакция тудырған сөзі үшін көпшілік алдында да кешірім сұрады.

Кайли Миноуг - австралиялық поп әнші, актриса, бірнеше әннің авторы және кәсіпкер. Оны жиі Австралияның ең коммерциялық табысты орындаушысы деп атайды. Ол «поп-принцесса» атағын жеңіп алып, тарихта альбомдары бес он жыл қатарынан британдық чартты бағындырған жалғыз орындаушы болды.

2026 жылдың мамырында Netflix-тің «Кайли» деректі сериалы шықты, онда әнші өзінің мансабы туралы ашық айтып берді. Ол 2021 жылы екінші рет сүт безі обырына шалдыққанын айтты.

Оқи отырыңыз:

• Трамп өтініш жасады: FIFA тарихында алғаш рет дисквалификация жойылды
• Үш күнде 2400-ден астам жасөспірім полицияға жеткізілді — себебі не?
• Еуропадағы ең бай адам Францияда салық төлеуден жалтарып, соттасып жатыр