Ақмола облысында тоқтап тұрған шахтадан екі ер адамның мәйіті табылды

Бестөбе ауылындағы тоқтап тұрған шахтадан заңсыз алтын өндірумен айналыспақ болған екі ер адамның мәйіті табылды.

15 қаңтарда Степногорск қаласы полициясына «Центральный» шахтасының диспетчерінен 520-аумақтағы рудалар астынан екі ер адамның мәйіті табылғаны туралы хабарлама келіп түсті.

Қаза болғандардың жеке басы анықталды. Солардың бірі Бестөбе ауылының 1986 жылы туған тұрғыны. Бірнеше жыл бұрын ол шахтада шөктіруші болып жұмыс істеген. Екінші құрбан - Степногорск қаласының 35 жастағы тұрғыны. Полиция сотқа дейінгі тергеуді бастады.

Куәгер – сол баяғы «қара» барлаушы – мәйіттерді бір үйіндінің астынан тауып алғанын, кейін басқа барлаушылардың көмегімен оларды жер бетіне көтергенін айтты.

Аталған дерек ҚР Қылмыстық кодексінің 269-1-бабының 3-бөлігі «Күзетілетін нысанға заңсыз кіру» бойынша Сотқа дейінгі тергеп-тексерудің бірыңғай тізіліміне тіркелді. Тергеу жалғасып жатыр.

Кенішке иелік ететін «АҚ Алтыналмас» АҚ Бестөбеде алтынды заңсыз іздеу қауіпті екенін бірнеше рет ескерткен. Шахта 2021 жылдың жазында істен шыққан, онда желдету және көтеру қондырғылары жұмыс істемейді, байланыс және электр қуаты жоқ, шахта оқпандары бітеліп қалған, ішке жер асты сулары өтіп жатыр. Соған қарамастан, жүздеген заңсыз кеншілер алтын кенінен пайда табу үмітімен шахтаға кіруге тырысуда.