Америкалық азамат Қазақстандағы туыстары туралы мәлімет тапты

Қызылорда облысының полицейлері АҚШ азаматына туыстары туралы ақпарат табуға көмектесті, деп хабарлайды Orda.kz.

Америкалық Джефф Шейнгольд әкесі туралы мәлімет тапқысы келіп, Қызылорда облысының полиция департаментінен көмек сұрады. Әкесі Израиль азаматы, Тереңөзек (қазіргі Сырдария) ауданында тұрған. Ол 1943 жылы қуғын-сүргін кезінде тұтқындалған. Полиция мұрағатты ақтарды.

«Осыдан екі жыл бұрын ата-анамның 1942 жылы Ұлы Отан соғысы кезінде Қазақстанда тұрғанын білдім. Олар Польшадан фашистерден қашып кетіпті. Бізде ешқандай мәлімет болған жоқ, тек сот хаттамасы ғана. Іздестіру жұмыстарының арқасында мұрағатта 80 жылға жуық сақталған құжаттар табылды. Бұл № 6 ауылда жерленген ата-анам мен ағамның құжаттары. Біз олардың 1942-1946 жылдардағы өмірінің егжей-тегжейлерін білдік, сол үшін полицияға алғыс айтамыз», - деді. Джефф Шейнгольд 

Қызылордаға келген ерлі-зайыптылар ағайындарының жерленген жерінде болып, ата-анасына тағзым етті.

Облыстық полиция мұрағатында 30 мыңнан астам құжат бар. Олардың туыстарының тағдыры туралы ақпарат іздейтін адамдар үшін де, ғалымдар, журналистер, тарихшылар үшін де құндылығы өте зор.