Бала ауыр халде: Футбол алаңында төтенше жағдай болды

Астанада жаттығу кезінде баланың үстіне футбол қақпасы құлап, ол ауруханаға жеткізілді. Оқиға 10 тамызда болған, деп хабарлайды Orda.kz.

Оның мәліметінше, оқиға шамамен сағат 19:30-да Астанадағы Қазақстан футбол федерациясы (ҚФФ) орналасқан Футбол үйі аумағындағы футбол алаңында болған. 2017 жылы туған бала зардап шеккен. Жарақат алғаннан кейін бала жансақтау бөліміне түскен.

Кейін ҚФФ оқиға болғанын ресми түрде растады. Алдын ала мәлімет бойынша, 10 тамызда жаттығу кезінде баланың үстіне футбол қақпасы құлаған. Зардап шеккен бала медициналық мекемеге жеткізіліп, оған қажетті көмек көрсетіліп жатыр.

ҚФФ түсіндіруінше, оқиға болған футбол алаңын федерация жаттығу өткізу үшін жекеменшік футбол мектебіне жалға берген.

Қазір ҚФФ оқиғаның мән-жайын анықтап, нысан мен жабдықтардың техникалық жағдайына ішкі тексеру жүргізіп жатыр. Федерация сондай-ақ құзырлы органдарға қажетті ақпарат беруге және оқиғаның себептерін анықтауға көмектесуге дайын екенін мәлімдеді.

ҚФФ зардап шеккен бала мен оның отбасына қолдау білдірді.

Оқи отырыңыз:

• Елден жаппай ақша алып қашып жатқандар кім? ҰҚК мәлімдеме жасады
• Қазақстандықтар үй сатып алуды азайтты ма? Тұрғын үй нарығында жаңа өзгеріс байқалды