Ливан өлім жазасын жойған алғашқы араб елі болды

Ливан парламенті өлім жазасын жою туралы заң жобасын мақұлдады. Осылайша ел араб әлемінде өлім жазасынан толық бас тартқан алғашқы мемлекет атанды, деп хабарлайды Orda.kz

Жаңа заңға сәйкес, өлім жазасының орнына ауырлататын мән-жайлар болған жағдайда өмір бойына бас бостандығынан айыру және мәжбүрлі еңбек жазасы қолданылады.

Парламенттегі 128 депутаттың басым бөлігі заң жобасын қолдады. Оған тек «Хезболла» парламенттік блогы қарсы дауыс берді.

Ливанда өлім жазасын орындауға іс жүзінде мораторий 2004 жылдан бері қолданылып келген. Дегенмен соттар өлім жазасына үкім шығара алатын. Мұндай үкімдер кейін орындалмай, басқа жаза түрлеріне ауыстырылатын.

Ливанның әділет министрі Адель Насар бұл шешімді тарихи қадам деп атады. Құқық қорғау ұйымдары да өлім жазасының жойылуын құптады.

Оқи отырыңыз:

• Нұрай Серікбайдың өлімі: Прокурор күдіктіге өмір бойына бас бостандығынан айыру жазасын сұрады
• Бір серіктестіктің алты бірдей жұмысшысы құдыққа түсіп қаза тапқан: Полиция үш адамды ұстады