Алматыда күйеуін өлтірген әйел сотта ақталды

Алматыда 16 жыл бойы отбасындағы зорлық-зомбылыққа ұшыраған әйел күйеуін өлтіргені үшін сотта ақталды, деп хабарлайды Orda.kz.

Бұл туралы қоғам белсендісі Дина Таңсәрі әлеуметтік желідегі жазбасында хабарлады.

Белсендінің айтуынша, әйел 16 жылдық отбасылық өмірінде жыныстық жолмен берілетін инфекциядан екі рет емделген. Сонымен қатар күйеуі оны үнемі ұрып-соғып отырған.

1 мамырда ер адам әйелін тағы да ұрған. Әйел жанталасып үйден көшеге қашып шығып, полиция шақыру үшін ұялы телефон іздеген. Алайда оған ешкім көмектеспеген.

Амалсыздан үйіне қайта оралған кезде күйеуі оны тағы ұруға әрекет жасаған. Сол сәтте әйел өзін қорғау үшін ас үй пышағымен күйеуінің кеуде тұсына бір рет соққы жасаған. Ер адам алған жарақатынан қайтыс болған.

Алқабилердің қатысуымен өткен сот отырысында әйел кінәсіз деп танылды. Сот оны ақтады. Сондай-ақ жәбірленуші тараптың моральдық және материалдық зиянды өндіру туралы азаматтық талабы қанағаттандырылған жоқ.

Оқи отырыңыз:

• Елден жаппай ақша алып қашып жатқандар кім? ҰҚК мәлімдеме жасады
• Қазақстандықтар үй сатып алуды азайтты ма? Тұрғын үй нарығында жаңа өзгеріс байқалды