Иранның қастандық жасау қаупіне байланысты Трамп ұшағын ауыстыруға мәжбүр болды

АҚШ президенті Дональд Трамп бірнеше апта бұрын Анкарада өткен НАТО саммитінен ұшақ ауыстырып, жасырын кеткен, деп хабарлайды Orda.kz.

The Washington Post басылымы үкімет өкіліне сілтеме жасап хабарлағандай, Трамп әдеттегідей алдымен Air Force One бортына көтерілген. Алайда көп ұзамай ол ұшақтан қайта түсіп, президенттік бортқа тіркелген кейтеринг контейнеріне кірген.

Кейін жүк көлігі Трамп отырған контейнерді шағын C-32A ұшағына жеткізген болуы мүмкін. Президент АҚШ-қа дәл осы ұшақпен ұшып кеткен. Ал сол уақытта Air Force One бортындағы БАҚ өкілдері, тіпті үкіметтің кейбір қызметкерлері Трамп әлі де президенттік ұшақта отыр деп ойлаған.

Washington Post мәліметінше, ұшақты жасырын ауыстыруға Иран тарапынан Трампқа қастандық жасау қаупі себеп болған. Бұл жағдайға қатысты америкалық БАҚ-тың сауалына Ақ үйдің коммуникациялар жөніндегі директоры Стив Чунг:

«Президент жақында айтқандай, Американың оны нысанаға алған көптеген жауы бар. Біз осы қауіптерге қарсы тұру үшін қолымыздағы барлық мүмкіндікті пайдаланып жатырмыз», — деп жауап берді.

Оқи отырыңыз: 

• Елден жаппай ақша алып қашып жатқандар кім? ҰҚК мәлімдеме жасады
• Бір серіктестіктің алты бірдей жұмысшысы құдыққа түсіп қаза тапқан: Полиция үш адамды ұстады