«Алматы жылу желілері» ЖШС бас директоры ұсталды – дереккөз

Алматыда «Алматы жылу желілері» ЖШС бас директоры ұсталды. Orda дереккөзінің ақпараты бойынша, Қуаныш Бейсенбинов Алматыда жылу желілерін қайта құру кезінде мемлекеттік сатып алу бойынша орындалған жұмыстар актісіне қол қойғаны үшін «Спецкоммун» ЖШС жеткізушісінен 16 миллион теңге көлемінде пара алды деген күдікке ілінді.

«Алматы жылу желілері» кәсіпорнының 200-ге жуық қызметкері президентке хат жазды. Қызметкерлер әкімдік шенеуніктері мемлекет басшысының тапсырмасын орындамайды деп шағымданды.

– Біздің орасан зор еңбегімізге қарамастан, назардан тыс қалып жатырмыз. Кәсіпорында ұзақ уақыт бойы жалақы көтерілмеді. Қазір қызметкерлер орташа есеппен 150-170 мың теңге жалақы алады. Алматының жылумен жабдықтау жүйесіндегі екі мың адамның 80%-ы қатардағы қызметкерлер. Бүгінгі күні мұндай жалақыға өмір сүру мүмкін емес, – деп жазылған Қасым-Жомарт Тоқаевқа жолданған хат мәтінінде.

Наразылық білдірушілердің пікірінше, жастар арасында жылу энергетикасы саласына қызығушылық жоқ. Негізгі себеп – төмен жалақы.

– Өз жолдауларыңыздың бірінде сіз техникалық білімі бар мамандардың еңбек жағдайларын жақсартуды тапсырдыңыз. Өкінішке қарай, сіздің тапсырмаңыз орындалмады, – деп жазылған хатта.