Абай облысындағы өрт толық ауыздықталды

Абай облысы, Көкентау ауылдық округінде құрғақ шөптің жануынан болған өрт оқшауланды. Жергілікті атқарушы органдар алдын ала жану алаңы 3000 гектарды құрайтынын айтты.

Абай облысы ТЖД баспасөз қызметі хабарлағандай, қазіргі уақытта сөндіру жерүсті әдісімен жүзеге асырылады. Елді мекендерге қауіп жоқ.

Өртті жоюға жергілікті атқарушы органдардың, Абай облысы ТЖД және 68303 әскери бөлімінің күштері мен құралдары, барлығы 115 адам және 18 техника қатысқан.

Айта кетейік, 2023 жылдың 15 шілде күні «101» пультіне Семей қаласынан 75 шқ жерде Көкентау ауылының таулы аймақтарындағы құрғақ шөптің жануынан өрт тұтанғаны туралы хабарлама келіп түскен болатын.