Түркістан облысында алаяқтық жасаған әкімдік қызметкерлері ұсталды

Түркістан облысының прокуратурасы Төле би ауданы әкімдігінің лауазымды тұлғаларына қатысты арнайы жер қорынан келешегі бар жерлерді беру арқылы заңсыз актілер жасауда көрсетілген аса ірі көлемдегі алаяқтық фактісі бойынша сотқа дейінгі тергеп-тексеру ісін бастады.

Атап айтқанда, қылмыстық іс бойынша жер қатынастары бөлімінің басшысы өз қызмет бабын пайдаланып, өзінен бұрынғы басшысымен алдын ала сөз байласу арқылы 200 гектардан астам құнарлы жер телімдерін ресімдеген деген күдікке ілінді.

Облыстық прокуратураның сотқа дейінгі тергеу басқармасы күдіктілерді уақытша ұстау изоляторына қамады.

Қазіргі уақытта аталған қылмысқа басқа да тұлғалардың қатыстылығын анықтау бойынша жедел-іздестіру шаралары жүргізілуде.