Қазақстандықтар үй сатып алуды азайтты ма? Тұрғын үй нарығында жаңа өзгеріс байқалды

Қазақстанда шілде айында тұрғын үйді сатып алу-сату мәмілелерінің саны 4,9%-ға азайды. Ұлттық статистика бюросы мәліметінше, шілдеде ел бойынша 37 158 мәміле тіркелген, деп хабарлайды Orda.kz.

Ал маусымда бұл көрсеткіш 39 053 болған. Бір қызығы, нарықтағы мәмілелердің басым бөлігі әдеттегідей Алматы мен Астанаға тиесілі:

• Алматы — 7 263 мәміле
• Астана — 6 99
• Қарағанды облысы — 2 688

Ал ең аз мәміле Ұлытау облысында тіркелген — небәрі 311. Бірақ барлық өңірде жағдай бірдей емес. Шілдеде маусыммен салыстырғанда мәмілелер саны ең көп Шымкентте (+14,2%), Батыс Қазақстанда (+14%) және Жамбыл облысында (+11,5%) өскен.
Ал ең үлкен құлдырау:

•  Маңғыстау — 33,7
• Қарағанды — 28,7
• Түркістан — 22,4%

Пәтер нарығында да төмендеу бар. Шілдеде 28 575 пәтер бойынша мәміле жасалған. Бұл барлық тұрғын үй мәмілелерінің 76,9%-ын құрайды. Ал сатып алушылар арасында ең сұраныста болғаны — екі бөлмелі пәтерлер. Бір айда осындай 11 056 мәміле тіркелген.

Ең маңыздысы  бұл тек бір айдағы құбылыс емес

2026 жылғы шілдеде тұрғын үй мәмілелері өткен жылдың шілдесімен салыстырғанда 6,5%-ға азайған.

Ал қаңтар–шілде аралығында былтырғы жылдың осы кезеңімен салыстырғанда мәмілелер саны 2,6%-ға төмендеді. Яғни, Қазақстанда тұрғын үй нарығы біртіндеп баяулап бара жатқанын статистика көрсетіп отыр.

Оқи отырыңыз: 

• Үйлену тойында пышақтап өлтірген: Ақтөбе облысындағы сұмдық жайт
• Колумбияда алапат жер сілкінісі болып, 112 адам қаза тапты