Астанада полиция қызметкері кәмпитке қақалған баланың өмірін құтқарды

Оқиға қалалық бағыттағы автобуста болған. Жол жүру кезінде балалар арбасында отырған бала кенеттен кәмпитке қақалып, дем ала алмай қалған, деп хабарлайды Orda.kz.       

Жолаушылардың бірі жағдайды байқап, бірден көмекке ұмтылған. Ол баланы қолына алып, еңкейтіп, тыныс алу жолдарын ашуға арналған алғашқы көмек тәсілдерін қолданған. Көп ұзамай бүлдіршіннің тынысы қалпына келген.

Баланың өміріне қауіп төнген сәтте алғашқы медициналық көмек көрсетудің кәсіби дағдылары мен тәжірибесін дұрыс қолданған адам Астана қаласы Полиция департаментінің арнайы жедел қимылдау жасағының қызметкері Әлішер Жарқымбеков болып шықты.

Арнайы жасақ қызметкерінің бұл әрекеті оның қызметтен тыс уақытта да адам өміріне жауапкершілікпен қарайтынын көрсететін жарқын мысал болды.

Оқи отырыңыз:

• Елден жаппай ақша алып қашып жатқандар кім? ҰҚК мәлімдеме жасады
• Қазақстанда жол ережесін бұзатындарға тұзақ көбейді: Дрон, камера және лазер іске қосылды