Елден жаппай ақша алып қашып жатқандар кім? ҰҚК мәлімдеме жасады

ҰҚК Шекара қызметі тамыздың алғашқы 10 күнінде Қазақстаннан қолма-қол ақшаны заңсыз алып шығудың 70 әрекетін анықтады. Декларацияланбаған қаражаттың жалпы сомасы 645 миллион теңгеден асты, деп хабарлайды Orda.kz.

ҰҚК Шекара қызметінің мәліметінше, 1-10 тамыз аралығында мемлекеттік шекара арқылы өткізу бекеттерінде ақша қаражатын заңсыз алып шығуға жасалған 70 әрекет тіркелген. Анықталған декларацияланбаған қолма-қол ақшаның жалпы сомасы 645 миллион теңгеден асты.

Анықталған фактілер бойынша материалдар процессуалдық шешім қабылдау үшін құзырлы органдарға жолданды.

70 мың долларды киімінің астына жасырған

Оқиғалардың бірі Жамбыл облысындағы «Қордай» автомобиль өткізу бекетінде болған. Шекаралық бақылау кезінде шетел азаматының жанынан 70 мың доллар, яғни шамамен 32,5 миллион теңге табылған. ҰҚК мәліметінше, ақша киімінің астына жасырылған.

ҰҚК Шекара қызметі Қазақстаннан заңнамада белгіленген лимиттен асатын қолма-қол ақшаны, яғни декларациялау талаптарын сақтамай 10 мың доллардан астам қаражатты алып шығуға тыйым салынғанын еске салды.

Оқи отырыңыз: 

• Үйлену тойында пышақтап өлтірген: Ақтөбе облысындағы сұмдық жайт
• Қазақстандықтар үй сатып алуды азайтты ма? Тұрғын үй нарығында жаңа өзгеріс байқалды