«Тұрғындар газсыз қалды»: Түркістан облысында көлік газ құбырына соғылды

Түркістан облысында көлік газ құбырына соғылып 7 мыңға тарта тұрғын газсыз қалды, деп хабарлайды Orda.kz. 

Мәліметтерге сүйенсек, жеңіл көлік Түркістан облысы Сарыағаш қаласы Шымкент көшесіндегі газ құбырына соғылған. Автокөлік соққысы салдарынан газ құбыры екі жерден толықтай үзіліп кеткен. 40-тан метрден астам газ құбыры майысып, сынған.

Газ құбыры үзілгендіктен 21 өнеркәсіптік кәсіпорын, 153 коммуналдық-тұрмыстық нысан, 6 821 жеке сектор абоненті газсыз қалды. 

Зақымдалған газ құбырын қалпына келтіру жұмыстары басталды.