ҚР ІІМ 14 жыл бұрынғы қылмысты ДНҚ сараптамасы арқылы ашты

Павлодар облысында 14 жыл бұрынғы болған қылмыс ДНҚ сараптамасы арқылы ашылды, деп хабарлайды Orda.kz  Polisia.kz-ке сілтеме беріп.

Қазақстанның жаңа Конституциясында адам, оның өмірі, құқықтары мен бостандықтары мемлекеттің ең жоғары құндылығы ретінде белгіленген.

Полиция үшін басты міндет – шындықты анықтау және қылмыс жасаған адамды жауапкершілікке тарту. Қылмыс бұрын жасалғанына қарамастан, бұл жұмыс тоқтамайды.

Өткен жылдардағы қылмыстарды ашуда заманауи криминалистиканың мүмкіндіктері тиімді. Мысалы, Павлодар облысында 14 жыл бұрын жасалған қылмыс ашылды.

2012 жылы бау-бақша қоғамдастығы аумағында 62 жастағы әйелді зорлап, артынан өлтірген. Сол кезде қылмыскерді анықтау мүмкін болмады. Бірақ істі ашу бойынша жұмыс жалғасты.

Жедел қызметкерлер мен криминалистер істі қайта зерделеді. Тексеру нәтижесінде күдікті анықталды. Ол 1964 жылы туған, бұрын сотталған ер адам болып шықты. ДНҚ сараптамасы оның қылмысқа қатысы бар екенін растады. Ер адам кінәсін мойындады.

Ол ұсталып, сот санкциясымен қамауға алынды. Полиция өткен жылдардағы қылмыстар ашу бойынша жұмысты жалғастырады. Қылмыс жасаған адам заң алдында жауап береді.

Оқи отырыңыз:

• Биылғы «Болашақ» стипендиясы иегерлерінің тізімі шықты
• Тоқаев бірқатар басшыны лауазымынан босатты
• Талғарда тағы бір қылмыс: Кісі өлтірді деген 56 жастағы күдікті ұсталды