ҚР СІМ: Непал мен Қытайдағы су тасқынынан зардап шеккен қазақстандықтар жоқ

Қазақстанның Сыртқы істер министрлігі Непал мен Қытай шекарасында болған жойқын су тасқынынан кейін қазақстандық азаматтардың жағдайына қатысты ақпарат берді, деп хабарлайды Orda.kz.       

«Непал мен Қытай шекарасындағы су тасқыны салдарынан зардап шеккендер немесе хабар-ошарсыз кеткендер арасында Қазақстан азаматтары жоқ»,  деп мәлімдеді министрлік. 

СІМ жағдайды бақылауды жалғастырып жатыр.

Бұған дейін Reuters Непалдың туризм саласындағы уәкілетті органдарына сілтеме жасап, сәрсенбі күнінен бері хабар-ошарсыз кеткен шетел азаматтарының тізімінде Қазақстан азаматтары да болғанын хабарлаған еді.

Аталған тізімде Беларусь, Бельгия, Болгария, Финляндия, Франция, Венгрия, Ирландия, Израиль, Италия, Латвия, Литва, Нидерланд, Филиппин, Португалия, Испания, Сербия, Швейцария және Швеция азаматтары да болған.

Непал мен Қытайдың Тибет автономиялық ауданындағы шекаралас аймақтарды жайлаған жойқын су тасқынынан кемінде 160 адам қаза тапты.

Оқи отырыңыз:

• Қазақстанда тыңшылық жасады деген өзбекстандық профессор туралы не белгілі?
• Көрінбейтін бүйрек саудасы: Ауған әйелдері балаларын осылай аштықтан сақтап отыр