Алматыда ер адам 9 жастағы қызға жыныстық сипаттағы әрекет жасады деген күдікке ілікті

Алматы облысының Қарасай ауданындағы Іргелі ауылында полиция тоғыз жастағы қызға қатысты болуы мүмкін жыныстық сипаттағы әрекет фактісін тергеп жатыр, деп хабарлайды Orda.kz.

Оқиға туралы жергілікті тұрғындар ауылдың ортақ чатында жазған. Олардың айтуынша, ер адам баланы дүкенге апарып, тәтті сатып алған. Кейін оған тиісіп, жыныстық сипаттағы әрекет жасаған деген болжам бар.

Алматы облысы полиция департаменті бастығының тергеу жөніндегі орынбасары Рустам Әбдірахманов қылмыстық іс тіркелгенін растады.

«Іс бойынша бұрын тағайындалған сараптама аяқталғаннан кейін процессуалдық шешім қабылданады», – деді Әбдірахманов.

Бұған дейін біз Шымкентте жасөспірімнің қызды зорлауға әрекет жасағаны туралы жазған едік. Күдікті ізін суытпай ұсталып, полиция қылмыстық іс қозғаған.

Оқи отырыңыз:

Ұлдана Мырзуанның өлімі: Сотта жедел жәрдем мен ТЖД әрекеті талқыланды

Биылғы «Болашақ» стипендиясы иегерлерінің тізімі шықты