Астананың 315 мың оқушысы қоғамдық көлікте тегін жүреді: LRT картасын қалай аламыз?

Елордада 18 жасқа дейінгі балалар қоғамдық көлікте тегін жүреді. Дегенмен оқу жылы басталар алдында Астанадағы оқушылардың ата-аналарына көлік карталарына қатысты бірқатар мәселені білгені жөн, деп хабарлайды Orda.kz.       

Тегін жол жүру құқығы Астанада тұрғылықты жері бойынша тіркелген, білім беру ұйымдарында күндізгі бөлімде оқитын 18 жасқа дейінгі балаларға беріледі. Бұл жеңілдік тек мектеп оқушыларына ғана емес, басқа да білім беру ұйымдарында оқитын балаларға қатысты.

Астанада оқушылар үшін қоғамдық көлікпен жүру тегін, ол үшін автобус пен LRT-,а арналған арнайы карталарлы реттеп алу қажет. Алайда қазіргі уақытта автобустар мен LRT үшін әртүрлі көлік карталары қолданылып жүр.

Негізгі талап баланың көлік картасының болғаны және әр сапар кезінде оны міндетті түрде валидатордан өткізу керек.

Сонымен қатар 7-ден 18 жасқа дейінгі оқушылар LRT қызметін де тегін пайдалана алады. Бірақ ол үшін арнайы дербестендірілген карта алу қажет. Бұл карта тек LRT жүйесінде қолданылады. Оны қалалық, жедел және қала маңындағы автобустарда пайдалану мүмкін емес.

Ал автобустар үшін басқа оқушы картасы қолданылады. Сондықтан бала автобуспен де, LRT-мен де жүретін болса, әзірге оған екі бөлек карта алғаны жөн.

16 жасқа дейінгі балаларға картаны ата-анасы немесе заңды өкілі рәсімдейді. 16 жастан кейін оқушы жеке куәлігі мен электрондық цифрлық қолтаңбасы болған жағдайда картаны өзі рәсімдей алады.

Кассаға жүгінсеңіз, карта бірнеше минут ішінде дайындалады. Ал онлайн рәсімдеу кезінде құжаттарды тексеріп, төлем жасалғаннан кейін карта үш жұмыс күнінен бастап дайындалады.

LRT-да әр өткен сайын картаны турникеттегі валидаторға тигізу қажет. Жол жүру тегін болғанымен, картаны валидациядан өткізу міндетті. Онсыз сапар жеңілдікпен жасалған сапар ретінде тіркелмей қалады.

Егер оқушы картасын үйде ұмытып кетсе, LRT турникетінен тегін өте алмайды. Мұндай жағдайда кәдімгі бір реттік билет сатып алуға тура келеді. Ал енді карта жоғалған немесе бүлінген жағдайда оны transcard.kz арқылы немесе LRT станциясындағы кассадан қайта шығаруға болады. Қайта шығару құны да 1200 теңге.

Егер карта баланың қолында болғанымен, турникетте жұмыс істемесе, станция қызметкеріне жүгіну қажет. Қажет болған жағдайда картаны кассада тексеріп, жеңілдік мәртебесін қалпына келтіреді.

Әзірге автобус пен LRT арасында бірыңғай ауысып міну жеңілдігі жоқ. Себебі екі көліктің төлем жүйесі бөлек-бөлек жұмыс істейді. Егер оқушының автобус пен LRT үшін жарамды жеңілдік карталары болса, сапар үшін ақы төлеудің қажеті жоқ. Алайда бір көліктен екіншісіне ауысқанда екі түрлі картаны пайдалануға тура келеді.

Билік қоғамдық көліктердегі төлем жүйелерін біріктіруді жоспарлап отыр. Көлік басқармасының мәліметінше, бұл бағыттағы жұмыстар жүргізіліп жатыр. Болашақта қоғамдық көліктің әртүрлі түрі үшін бірыңғай төлем жүйесін пайдалану жоспарланған.

Оқушыларға арналған тегін жол жүру тарифі 18 жасқа дейін қолданылады. Кәмелеттік жасқа толғаннан кейін жеңілдік мәртебесі автоматты түрде тоқтатылады. Егер оқушы Астанадағы басқа мектепке ауысса, жаңа оқу орнынан анықтама ұсыну арқылы жеңілдікті сақтай алады.

Оқу жылы басталар алдында ата-аналар баласының көлік картасының бар-жоғын және оның жарамдылығын тексергені жөн. Егер оқушы автобуспен де, LRT-мен де жүретін болса, әзірге әр көлік түріне арналған екі бөлек карта қажет болып отыр.

Оқи отырыңыз:

• ҚР ІІМ 14 жыл бұрынғы қылмысты ДНҚ сараптамасы арқылы ашты
• «Қалқаман» метро станциясы қашан ашылатыны белгілі болды