Қазақстандық екі TikTok креаторы халықаралық марапатқа ие болды

Қазақстандық екі креатор Бангкокта өткен TikTok LIVE Community Fest 2026 фестивалінде халықаралық деңгейде марапатталды, деп хабарлайды Orda.kz компания өкілдігіне сілтеме жасап.

Руслан Нуртазин (@omgdnss) Legend санатындағы басты марапатты алған алты креатордың қатарына кірді. Ал Сабина (@pipikoldiko) Gold санатында жеңімпаз атанды. Бұл марапаттар Қазақстандағы LIVE-контент авторларының халықаралық TikTok қауымдастығында көріне бастағанын көрсететінін айтады ұйымдастырушылар.

Фестивальге Оңтүстік-Шығыс және Орталық Азия елдерінен 300-ден астам LIVE-креатор жиналған. Ал TikTok жариялаған өңірлік статистикаға сәйкес, 2026 жылдың алғашқы алты айында осы аймақта 95 миллионнан астам креатор тікелей эфир өткізген. Бұл өткен жылдың сәйкес кезеңімен салыстырғанда 50%-дан астам өсім.

Олардың ішінде 40 миллионнан астам автор LIVE форматында алғаш рет эфирге шыққан. Сонымен қатар жаңадан бастаған креаторлардың әрбір үшіншісі алғашқы 30 күн ішінде алғашқы сыйақысын алған. Яғни LIVE форматы үшінші тараптың айтуынша, жай ғана ойын-сауық алаңы емес, аудитория жинау, контент жасау және одан табыс табу бағыттарының біріне айналып келеді.

"Қазақстанда да тікелей эфирлердің мазмұны кеңейіп жатыр. Музыкалық қойылымдардан бөлек, саяхат, тарих, мәдениет пен өнер тақырыптары да LIVE форматында ұсынылуда", делінген TikTok өкілдігі таратқан хабарламада.

Мәселен, биыл Қазақстан TikTok-тың LIVE Comes Alive жаһандық бағдарламасына қосылды. Оның аясында Қазақстан Республикасының Ұлттық музейі мен Almaty Museum of Arts Museums Come Alive бастамасына қатысты. Бұл жобалар мәдени мұраны тікелей эфир арқылы халықаралық аудиторияға таныстыруға бағытталған.

Ал қазақстандық креаторлардың Бангкоктағы фестивальде марапат алуы — ел авторларының тек жергілікті емес, өңірлік аудиторияға да шыға бастағанын көрсететін мысал. Айта кетейік, TikTok жариялаған 95 миллиондық көрсеткіш Қазақстанға ғана емес, Оңтүстік-Шығыс және Орталық Азияның жалпы өңіріне қатысты.