Тоқаев Бишімбаев ісі бойынша тергеуді ерекше бақылауда ұстауды тапсырды

Президент Қасым-Жомарт Тоқаев ішкі істер министрі Ержан Сәденовпен, бас прокурор Берік Асыловпен, жоғарғы сот төрағасы Асламбек Мерғалиевпен, сондай-ақ басқа да салалық ведомстволардың басшыларымен кездесіп, консультациялар өткізді.
Бұл туралы Ақорда хабарлайды.
Мемлекет басшысы заңның сақталуына, азаматтардың құқықтық санасы мен құқықтық мәдениетінің деңгейін арттыруға қатысты мәселелерге баса мән берді.
Қасым-Жомарт Тоқаевтың пікірінше, Заң мен Тәртіп қағидаты Қазақстан қоғамының идеологиялық және саяси темірқазығына айналуға тиіс. Қазіргі қалыптасқан жағдай көшедегі мәдениетсіздіктен бастап төбелес, ұрлық, кісі өлтіруге дейінгі құқықбұзушылықтың барлық түріне ымырасыз қарсы тұруды талап етеді.
Президент осындай келеңсіздіктермен тұтас қоғам болып күресу керек деп санайды.
Елімізде тұрмыстық зорлық-зомбылық, вандализм, дөрекілік және бұзақылық сияқты Заң мен Тәртіп бұзушылықтың кез келген түріне мүлде төзбейтін әрі оны қатаң айыптайтын жағдай қалыптастыру қажет. Әйелдер мен балаларға зорлық-зомбылық көрсету фактілерінің батыл түрде жолын кесу керек.
Қасым-Жомарт Тоқаев ішкі істер министрлігіне BAU мейрамханасында экс-министр Қуандық Бишімбаевтың жұбайын өлтіргеніне қатысты резонанс тудырған оқиғаны ерекше бақылауға алуды тапсырды.
«Заң бәріне бірдей. Азаматтарымыз заңды нығайту жолында жұдырықтай жұмылса ғана қоғамда әділдік орнайды. Әділетті Қазақстан – Заң мен Тәртіп үстемдік құратын ел» деді президент.
Естеріңізге сала кетейік, Мемлекет басшысы Республика күні қарсаңында өткен жиында сөйлеген сөзінде Әділетті Қазақстанды құру үшін құқықтық мәдениетті дамыту қажет деген болатын.
«Заңсыздық, тәртіпсіздік, мәдениетсіздік елді жарға жығады. Мұндай жағымсыз үрдіске бүкіл қоғам болып қарсы тұруымыз керек. Ал тәртіпке бағынған қоғам өркениетті болады. Бұл – заңдылық. Әр азамат еліміздің заңын құрметтесе, береке-бірлік те, бақуатты тұрмыс та болады»,- деді Қасым-Жомарт Тоқаев.
Президент кездесулер мен консультациялар барысында қоғамда әділдік пен тәртіп орнату үшін құқық қорғау органдары мен сот инстанциялары қызметкерлеріне айрықша жауапкершілік жүктелетінін атап өтті.
Жаңалықтар
- Астанада Антикор жедел жәрдем станциясының басшысын ұстады
- Студенттер тұратын хостелдерге қойылатын талаптар күшейтіледі
- Қазақстанда мектеп оқушысы өгей әкесінен жүкті болып қалды
- Time Путинді «жыл адамы» атағына үміткерлер тізіміне қосты
- Назарбаев Университеті ерекше мәртебесінен айырыла ма?
- Азия даму банкі Қазақстанға 350 миллион доллар несиені мақұлдады
- «Росатом» Қазақстанда атом электр станциясының екі блогын салуды ұсынды
- Путин Тоқаевпен кездесу өткізетінін хабарлады
- Шымкентте өз ұлының тамағын кескен ер адам ұсталды
- Тоқаев қорғаныс министрі Руслан Жақсылықовты қабылдады
- Назарбаев Путинге өзінің естеліктерінің авторлық көшірмесін сыйға тартты
- Журналистер Владимир мен Наргиз Северныйлар жеті және сегіз жылға бас бостандықтарынан айырылды
- Бишімбаевтың ісі БҰҰ сайтында жарияланды - мәжілістің вице-спикері
- Halyk bank-тегі ауыс-түйіс: Тимур мен Динара Құлыбаевтар директорлар кеңесі құрамын өзгертті
- Алматы облысындағы жаппай төбелес: полицейлер толық мәлімет берді
- Әйгілі математик Тоқаев әкімшілігіне қызметке тағайындалды
- Қазақмыс кенішінlдегі қайғылы оқиғадан кейін Қазақстан православ шіркеуінің басшысы бата берді
- «Air Astana» әуе компаниясына миллиард теңгеге жуық айыппұл салынды
- Алматыда БАКАД-қа шығатын бес көшенің құрылысын аяқтау мерзімі белгілі болды
- Қытаймен шекарада жаңа өткізу пункті ашылады