Трамп Ормуз бұғазындағы кемелерге ақы енгізу ұсынысынан айнып қалды

АҚШ президенті Ормуз бұғазы арқылы өтетін кемелерге 20 пайыздық алым енгізу жоспарынан бас тартты. Бұл туралы ол Truth Social әлеуметтік желісінде жазды, деп хабарлайды Orda.kz.

Таяу Шығыс елдері басшыларымен келіссөздерден кейін ол бұл алымды сауда және инвестициялық келісімдермен алмастыру туралы шешім қабылдаған. Оның айтуынша, инвестициялар ауқымды болады және АҚШ экономикасына да, Парсы шығанағы елдеріне де пайда әкеледі.

Трамп тағы да Ормуз бұғазы Ираннан басқа барлық елдердің кемелері үшін ашық болатынын мәлімдеді. Ол теңіздегі қауіпсіздікті қамтамасыз еткені үшін америкалық әскерилерге алғыс айтып, Иран басшылығын өңірдегі тұрақсыздыққа айыптады және бұл ел ешқашан ядролық қаруға қол жеткізе алмайтынын тағы да еске салды.

«Америка қайтадан жеңіп жатыр, бұрын-соңды болмағандай жеңіске жетуде»,  деп жазды ол. 

Бұған дейін Трамп Ормуз бұғазында «Иран блокадасын» қайта енгізетінін жариялаған болатын.

Сондай-ақ ол теңіз жолының қауіпсіздігін қамтамасыз етуге кеткен АҚШ шығындарын өтеу қажеттілігімен түсіндіріп, кемелерге 20 пайыздық алым енгізуді ұсынған еді. Кейін бұл бастамаға әлемдік теңіз тасымалы саласының өкілдері мен Иран билігіне ұнамай, сын айтты.

Оқи отырыңыз:

• АҚШ Иранға қарсы теңіз қоршауын қайта бастайды
• Иран Ормуз бұғазына шығатын жолды қайта бұғаттады
• «Мың зымыранды Иранға бағыттаймын»: Трамп ультиматум қойып, тағы қорқытты