Шығыс Қазақстан облысында екі бала қаза бола жаздады

17 қараша 2023 15:06 Амиржан Мухаммед

Шығыс Қазақстан облысында екі жасөспірім көмірқышқыл газынан уланды. Оған себеп пештің дұрыс жұмыс істемеуі.

Оқиға Ұлан ауданы Восточное ауылындағы тұрғын үйде болған. 11 және 14 жастағы екі кәмелетке толмаған бала уланған.

«Олар пеш мұржасының уақтылы тазаланбауынан уланған. Биыл Төтенше жағдайлар департаментінің қызметкерлері осы үйдің иелерімен пешті жылытуды қауіпсіз пайдалану ережелері бойынша нұсқаулық жүргізген» деп хабарлады облыстық ТЖД.

Басқарма сақтық танытып, мұндай жағдайлардың алдын алу керектігін тағы да еске салды. Көміртек тотығымен уланудың негізгі себептері:

• жабық пеш клапаны,

• от жанатын ауаның жеткіліксіздігі,

• нашар тарту,

• пеш құрылымындағы тесіктер,

• бітелген мұржа.

«Пешіңізге қарап жүріңіз. Оны жақсы жағдайда ұстаңыз, мұржаларды уақытында тазалаңыз және тесіктерді жабыңыз. Пешті жағу кезінде балаларды үйде жалғыз қалдырмаңыздар» деп ескертті департаменттегілер.

Жақында Шымкентте қайғылы оқиға орын алды – бес адамнан тұратын тұтас бір отбасы қаза тапты. Болжам бойынша, олардың барлығы жеке үйдегі көмірқышқыл газынан уланған. 11, 15 және 16 жастағы балалар ата-аналарымен бірге қайтыс болды.

көмірқышқыл газ шығыс қазақстан

Жаңалықтар

барлық жаңалықтар