Астана маңында көлік карьерге батып, екі бала қаза тапты

Ақмола облысының Қызылжар ауылында көлік карьерге батып кетіп, екі бала қаза тапты. БАҚ-та тараған мәліметке сәйкес, әпкелі-сіңлілі екі қыз отырған көлік суға сырғып түсіп кеткен, деп хабарлайды Orda.kz.       

«Бір қыз 8 жаста, екіншісі 12 жаста болған. Балалар су болған киімдерін ауыстыру үшін көлік ішіне кірген» деп жазылған жарияланымда. 

Басылымның жазуынша, көлік кенеттен орнынан қозғалып, төмен қарай сырғып, суға түсіп кеткен.

«Әкесі бірден балаларды құтқаруға ұмтылғанымен, есікті аша алмаған, әйнекті де сындыра алмаған» деп жазды басылым. 

Ақмола облыстық Төтенше жағдайлар департаментінің баспасөз қызметі осындай қайғылы оқиғаның болғанын растады. Оқиға су толып қалған карьерлердің бірінде болған.

«Кәмелетке толмағандар отырған автокөлік белгісіз себептермен суға сырғып кеткен.
Құтқарушылар судан көлікті шығарып, ішінен қаза тапқан екі баланың денесін тапты. Оқиғаның мән-жайы анықталып жатыр»,  деп хабарлады ведомствоның баспасөз қызметі. 

Оқи отырыңыз:

• Алматының Төле би көшесінде жантүршігерлік жол апаты болды
• Алматыда жүргізуші бес адамды қағып, тағы бір көлікке соғылды
• Таяу Шығыстағы жағдайға байланысты Астана–Дубай рейсі кері қайтты