Бес жылдан кейін оралған Конор Макгрегордың жекпе-жегі нокаутпен аяқталды

UFC жұлдызы, промоушеннің бұрынғы екі дүркін чемпионы Конор Макгрегор Макс Холлоуэймен өткен жекпе-жекте техникалық нокаутпен жеңіліске ұшырады, деп хабарлайды  Orda.kz.       

UFC 329 турнирінің басты жекпе-жегінде ММА-дың аңызды тұлғасы, экс-екі дүркін чемпион Конор Макгрегор мен жартылай жеңіл салмақтағы бұрынғы чемпион Макс Холлоуэй октагонда кездесті.

Бірінші раундта Конор екі рет аяқпен соққы жасап, кейін құлап қалды. Орнынан тұрған соң қарсыласына қос соққы жасап, қайтадан жығылды. Екінші рет тұрғаннан кейін Макгрегор қатты ақсай бастады, осы сәтте төреші жекпе-жекті тоқтатты.

Нәтижесінде Макс Холлоуэй техникалық нокаутпен жеңіске жетті. Айта кетейік, әйгілі ирландиялық спортшы UFC 264 турнирінен кейін тура бес жыл бойы октагонға шықпаған болатын.

Сол кезде оның қарсыласы америкалық Дастин Порьемен екеуінің арасындағы есеп 1:1 болған.

Үшінші жекпе-жек үлкен қызығушылық тудырды, дегенмен бұл кездесуде Макгрегор бірінші раундтың өзінде аяғын жарақаттап алып, жекпе-жекті жалғастыра алмады.

Сондықтан оған техникалық жеңіліс тіркеліп, Порье трилогияның жеңімпазы атанды.

Ирландиялық файтер UFC-дегі мансабында 114 миллион доллардан астам табыс тауып, жеке гонорар бойынша абсолютті рекорд орнатты. Сонымен қатар, ол ұйымның басты табыс әкелуші жұлдызына айналды.

Дегенмен дәл Макгрегор ұйым тарихындағы ең көп табыс әкелген 7 турнирдің басты қатысушысы екенін бәрі мойындайды.

Оқи отырыңыз:

• Конор МакГрегор Ирландия президенттігіне үміткер болмақ
• ӘЧ-2026: FIFA финал өткен алаңды бөлшектеп, сатылымға шығарды
• Қазақстан 2026–2027 жылдары бірден жеті әлем чемпионатын өткізу құқығына ие болды