Қазақстанда күн салқындап, қатты жаңбыр жауады

Синоптиктер 11-13 мамырда Қазақстанда ауа райы қандай болатынына туралы болжам жасады.

Метеорологтардың мәліметінше, Қазақстанның басым бөлігінде ауа райы оңтүстік циклонмен анықталады, сонымен қатар найзағай ойнап, бұршақ жаууы ықтимал.

11-12 мамырда батыста, 12-13 мамырда солтүстік-батыста, солтүстікте, 13 мамырда республиканың орталығы мен шығысында қатты жаңбыр жауады. Республика бойынша желдің күшеюі, оңтүстік облыстарда шаңды дауыл күтіледі.

«Республикада температураның төмендеуі күтілуде. Солтүстік және шығыс облыстарда түнде 2 градусқа дейін аяз болады. Күндіз еліміздің солтүстік-батысында және солтүстігінде ауа температурасының төмендеуі мүмкін. Цельсий бойынша 5-15 градусқа дейін» делінген хабарламада.