Еуроодақ Украина мен Молдованың мүшелікке кіруін қарастырып жатыр

Жұма күні қол жеткізілген келісім Украина мен Молдоваға Еуроодаққа кіру жөніндегі келіссөздердің «негізгі» деп аталатын алғашқы блогын ресми түрде ашуға мүмкіндік береді, деп хабарлайды Orda.kz Euronews-ке сілтеме жасап.

Еуропалық одақтың 27 елі Украина мен Молдованы қауымдастыққа қабылдау бойынша келіссөздердің алғашқы кластерін бастауға келісті. Бұл шешім өткен аптада Венгрия өз ветосын екі жылдық бөгеттен кейін алып тастағаннан кейінгі үдерістің жалғасы болды.

Жұма күні кешке Брюссельде ЕО елдерінің елшілері келіссөздердің келесі кезеңіне өтуді мақұлдады.

Бұл кезең заң үстемдігін орнатуға арналған реформалар жол картасын және азшылықтың құқықтарын қорғау шараларын қамтиды. Дәл осы мәселелер Будапешт пен Киев арасындағы келіспеушіліктердің негізгі себебі болған еді. Іс-қимыл жоспары екі тарап арасындағы кеңестердің нәтижесін ескере отырып түзетілді.

Ресми шешім 15 маусым, дүйсенбі күні Люксембургте қабылданады. Онда Еуроодақ екі кандидат елмен жеке-жеке үкіметаралық конференциялар өткізеді.

Бұған дейін Молдова 2027 жылғы 8 сәуірде ТМД құрамынан ресми түрде шығатыны хабарланған еді. Бұл туралы вице-премьер Михаил Попшой мәлімдеген болатын.

Оқи отырыңыз:

• Президент заңмен бекітті: Туысқаныңды жұмысқа тарта алмайсың
• АҚШ пен Иран бейбіт келісімнің соңғы нұсқасын келісіп жатыр
• Қытай жазушысы, Нобель сыйлығының иегері Мо Янь қазақстандық жас қаламгерлерге шеберлік сабағын өткізеді