Көкшетау қаласында саябақты өртемек болған шетелдіктің өзі жанып кете жаздады

Көкшетауда 12 маусымға қараған түні орталық алаңда, Абылай хан ескерткіші маңында болған оқиғаның мән-жайы тергеліп жатыр, деп хабарлайды Orda.kz.       

Ақмола облысы полиция департаментінің мәліметінше, сағат 01:05 шамасында мас шетел азаматы қоғамдық тәртіп бұзған. Оның әрекеті айналасындағыларға қауіп төндірген. Ол Орталық мәдениет және демалыс саябағының мүлкін өртемек болған.

Алайда өзінің қолапайсыздығынан ер адамның өзі отқа оранып, денесінің 80 пайызға дейінгі бөлігі күйіп, ауыр халде ауруханаға жеткізілді.

Полицияның хабарлауынша, оқиғадан бір күн бұрын, яғни 11 маусымда бұл азамат қоғамдық орында мас жүргені үшін әкімшілік жауапкершілікке тартылған.

Оған қоса, ол бұған дейін де қоғамдық тәртіп бұзғаны үшін құқық қорғау органдарының назарына бірнеше рет іліккен екен.

Айта кетейік, нұсқалардың біріне сәйкес, шетелдік саябақтан полицияға бірнеше рет жеткізілгені үшін кек алу мақсатында өртемек болған. 

Аталған факті бойынша қылмыстық іс қозғалды.

Тергеу органдары оқиғаның барлық мән-жайын анықтап жатыр. Тергеу барысы Ақмола облысы полиция департаменті басшылығының жеке бақылауында.

Оқи отырыңыз:

• Қытай жазушысы, Нобель сыйлығының иегері Мо Янь қазақстандық жас қаламгерлерге шеберлік сабағын өткізеді
• Туристерді Қытайда далаға тастап, тағы 70 адамды алдаған фирма бастығы ұсталды
• Шымкент — Астана рейсінде 7,6 миллион теңге ұрлаған шетелдіктер ұсталды