Шымкент — Астана рейсінде 7,6 миллион теңге ұрлаған шетелдіктер ұсталды

Шымкент — Астана рейсі кезінде 7,6 миллион теңге ұрланып,  осы қылмысқа екі шетел азаматы күдікті болып шықты, деп хабарлайды Orda.kz.       

Ұшақ бортында жасалған аса ірі көлемдегі ақша ұрлығы жедел түрде ашылды. Полиция мәліметінше, бұл қылмысқа қатысы бар деген күдікпен екі шетел азаматы анықталып, ұсталды.

Алдын ала деректер бойынша, күдіктілер Шымкент — Астана бағытымен ұшқан ұшақта жәбірленушінің аңғалдық танытқан сәтін пайдаланып, оған тиесілі 7,6 миллион теңгені жасырын түрде ұрлап үлгерген.

«Ұсталғандар кінәсін мойындады, олар қамауға алынды»,  деп хабарлады полиция.

Қазіргі уақытта тергеу амалдары жүргізілуде. Сондай-ақ ұсталған шетел азаматтарының басқа да қылмыстарға қатысы бар-жоғы тексеріліп жатыр.

Ұрланған қаражат толық көлемде иесіне қайтарылды.

Оқи отырыңыз:

• 9 рет пышақ сұққан: 12 жастағы баланы қатыгездікпен өлтірген, марқұмның анасы оқиға қалай болғанын айтып берді
• Әл-Фарабидегі жол апаты: Zeekr жүргізушісінен неге әлі жауап алынбады?
• Шетелдіктер үйінде жатып-ақ заңсыз түрде Қазақстан ЖСН-ін рәсімдеген